Septabene 30ml

Septabene munnholsúði er bólgueyðandi, verkjastillandi og sótthreinsandi lyf til staðbundinnar notkunar í munnholi. Munnholsúðinn sótthreinsar munn og háls og dregur úr ummerkjum bólgu í hálsi, svo sem verk, roða, þrota, hita og skertri virkni. Septabene munnholsúði er notaður handa fullorðnum, unglingum og börnum eldri en 6 ára, til staðbundinnar og stuttrar bólgueyðandi, verkjastillandi og sótthreinsandi meðferðar: - við ertingu í hálsi, munni og tannholdi og - fyrir og eftir tanndrátt. Leitið til læknis ef sjúkdómseinkenni versna eða lagast ekki innan 3 daga.